Disgrifio Deall a Diffinio

Agor Arloesi sy’n sbarduno datblygiad ecosystem arloesi Cymru, gan rymuso twf busnesau drwy arweinyddiaeth, dysgu a chydweithio.

Mae Agor Arloesiyn ‘switsfwrdd’ ar gyfer popeth sydd gan y Brifysgol i’w gynnig, gan gyfeirio busnesau at yr arbenigedd y gallwn ei ddarparu, a phontio’r bwlch rhwng byd diwydiant a’r byd academaidd.

• • Cynnig gwybodaeth a chymorth Eiddo Deallusol
  • Astudiaethau dichonolrwydd cam cynnar ar gyfer arloesiadau newydd
  • Cyfleoedd am dwf busnes a phersonol drwy raglenni datblygu arweinyddiaeth pwrpasol, dysgu proffesiynol a’r rhaglen reoli Help i Dyfu
  • Cymorth i nodi ffynonellau cyllid grant a chyflwyno ceisiadau
  • Interniaethau a lleoliadau gwaith i fyfyrwyr
  • Rhwydwaith helaeth gan gynnwys busnesau bach a chanolig, sefydliadau addysg uwch, byrddau iechyd a chyrff proffesiynol
  • Nodi, canfod a datblygu partneriaethau arloesi a sgiliau ar draws y byd diwydiant ac academaidd
  • Mynediad at arbenigedd academaidd mewn amrywiaeth o feysydd gan gynnwys Gwyddoniaeth, Peirianneg, Busnes a Gofal Iechyd etc

Nod Agor Innovation yw cefnogi rhanddeiliaid o bob sector - diwydiant, y byd academaidd a’r gymuned - i greu ecosystem arloesol sy’n ffynnu ar draws Cymru.

Rydym yn gweithio gyda phartneriaid allweddol gan gynnwys yr Academi Frenhinol Peirianneg, M-SParc a GIG Cymru a busnesau a sefydliadau cenedlaethol a rhyngwladol i arwain yr agenda arloesedd.

Mae Agor Innovation yn barod i weithio gyda chi i nodi eich anghenion a’u diwallu.

Mae Bwrdd Iechyd Prifysgol Bae Abertawe yn cwmpasu poblogaeth o tua 390,000 yn ardaloedd Castell-nedd Port Talbot ac Abertawe. Mae’r Bwrdd Iechyd yn cyflogi tua 12,500 o staff. Mae ganddo dri ysbyty mawr sy’n darparu ystod o wasanaethau: Treforys a Singleton yn Abertawe, ac Ysbyty Castell-nedd Port Talbot ym Maglan, Port Talbot.

Mae Canolfan Llosgiadau a Llawfeddygaeth Blastig Cymru yn gwasanaethu de a chanolbarth Cymru a de-orllewin Lloegr. Mae Treforys hefyd yn darparu un o ddau wasanaeth llawdriniaeth gardiaidd yng Nghymru. Mae gwasanaethau arbenigol eraill yn cynnwys gwefus a thaflod hollt, arennol, ffrwythlondeb a bariatrig (gordewdra). Mae’r Uned Ymchwil Glinigol ar y Cyd hunan-ariannu yn cynnal astudiaethau masnachol ac yn cydweithio’n agos â chanolfannau eraill mewn meysydd iechyd allweddol sy’n cynnwys clefyd cardiofasgwlaidd, diabetes a chlefyd arennol.

Mae’r Rhwydweithiau Clinigol Strategol Cenedlaethol wedi’u dylunio i symbylu newid, gwella canlyniadau, lleihau amrywiadau, a gwella iechyd a bywydau pobl Cymru.

Maent yn gyfrwng pwysig ar gyfer gwireddu’r uchelgais a nodir yn y Fframwaith Clinigol Cenedlaethol ac yn disgrifio ‘sut olwg sydd ar dda’ ym mhob un o’u meysydd priodol, yn ogystal â disgwyliadau ar gyfer cyflawni ar draws iechyd ein poblogaeth.

Gan weithio rhwng cyflawniad gwasanaethau gweithredol mewn byrddau iechyd ac ymddiriedolaethau a llunio polisi a strategaeth yn Llywodraeth Cymru, mae arweinyddiaeth glinigol yn greiddiol i bob rhwydwaith. Maent yn gwneud defnydd uniongyrchol o arbenigedd clinigwyr sy’n gweithio ym maes darparu gwasanaethau rheng flaen mewn gofal sylfaenol, cymunedol, eilaidd a thrydyddol.

Mae’r rhwydweithiau’n defnyddio data a thystiolaeth, ac yn eu cyfrannu, yn ogystal ag ymgysylltu’n eang â’r trydydd sector, cynrychiolwyr cleifion, a diwydiant.

• Mae'r Academi Iechyd a Gofal Seiliedig ar Werth (VBHC) yn yr Ysgol Reolaeth, Prifysgol Abertawe (rhan o raglen Academi Dysgu Dwys Llywodraeth Cymru) yn darparu addysg, ymchwil ac ymgynghoriaeth yn VBHC. Mae ein cyfadran ryngwladol brofiadol o academyddion ac ymarferwyr yn gweithio gyda chwmnïau iechyd, polisi iechyd, gofal cymdeithasol, trydydd sector a gwyddorau bywyd byd-eang arloesol yng Nghymru a ledled y Byd i gyflymu'r broses o fabwysiadu a deall Gofal Iechyd Seiliedig ar Werth, caffael arloesol sy'n seiliedig ar werth a chyflenwad sy'n seiliedig ar werth.

Mae Bwrdd Iechyd Prifysgol Hywel Dda yn darparu gofal iechyd i dros 390,000 o bobl yng Ngorllewin Cymru gan gynnwys gofal Sylfaenol ac Eilaidd ac mae ganddo gyfleusterau Canolfan Ymchwil Clinigol ar draws y rhanbarth. Mae diwylliant ymchwil cadarnhaol y Bwrdd Iechyd yn hybu cydweithio rhwng academyddion, clinigwyr a chwmnïau, gan wella gwasanaethau i'w glinigwyr, partneriaid a chleifion yn y pen draw. Mae’r Bwrdd yn gartref i adran Ymchwil, Arloesedd a Gofal Iechyd Seiliedig ar Werth a’r Sefydliad TriTech ac mae’n rhan o “Cydweithrediad Rhanbarthol ar gyfer Iechyd” (ARCH), partneriaeth â Bwrdd Iechyd Prifysgol Bae Abertawe a Phrifysgol Abertawe. Mae ARCH yn brosiect cydweithio unigryw gyda'r nod o wella iechyd, cyfoeth a lles de-orllewin Cymru.

Mae Bwrdd Iechyd Addysgu Powys yn darparu gwasanaethau iechyd ac yn gwella iechyd ar gyfer 133,000 o bobl sy'n byw ym Mhowys - sir wledig fawr o 2000 milltir sgwâr, tua chwarter arwynebedd tir Cymru. Mae natur wledig iawn Powys yn golygu bod mwyafrif y gwasanaethau lleol yn cael eu darparu'n lleol, trwy feddygon teulu a gwasanaethau gofal sylfaenol eraill, ysbytai cymunedol a gwasanaethau cymunedol.

Bwrdd Iechyd Prifysgol Caerdydd a’r Fro yw un o sefydliadau GIG mwyaf Cymru. Mae’r Bwrdd yn cyflogi tua 14,500 o staff ac yn darparu gwasanaethau iechyd i boblogaeth o tua 472,400 o bobl sy’n byw yng Nghaerdydd a Bro Morgannwg yn ogystal â gwasanaethu poblogaeth ehangach ar draws De a Chanolbarth Cymru ar gyfer amrywiaeth o arbenigeddau. Mae’r Bwrdd yn cefnogi agenda ymchwil amrywiol ac yn gweithio â phartneriaid yn y diwydiant ar ystod o ddatblygiadau diagnostig a phrognostig a threialon clinigol. Mae’r gwasanaethau ffiseg feddygol a pheirianneg glinigol, yr Uned Peirianneg Adsefydlu a Chanolfan Ymchwil Technoleg Iechyd CEDAR yn croesawu cyfleoedd ar gyfer ymchwil a datblygu ar y cyd mewn amrywiaeth o feysydd.

Mae Bwrdd Iechyd Prifysgol Betsi Cadwaladr yn darparu amrywiaeth lawn o wasanaethau sylfaenol, cymunedol, iechyd meddwl ac ysbytai acíwt ar gyfer poblogaeth o tua 676,000 o bobl ar draws chwe sir Gogledd Cymru (Ynys Môn, Gwynedd, Conwy, Sir Ddinbych, Sir y Fflint a Wrecsam) yn ogystal â rhai rhannau o Ganolbarth Cymru, Swydd Gaer a Swydd Amwythig.

Mae gan y Bwrdd Iechyd dri ysbyty acíwt. Mae’n rhoi cyfleoedd i bartneriaid diwydiant a busnes weithio â gwasanaethau iechyd meddwl, aciwt, cymunedol a gofal sylfaenol y mae meddygon teulu, deintyddion, optegwyr a fferyllwyr yn ei ddarparu.

• Cyflymu mabwysiadu technolegau ac arferion trawsnewidiol.
• Gwella canlyniadau cleifion tra’n lleihau pwysau system.
• Cydweithio ar draws sectorau i ysgogi arloesedd mewn gofal iechyd.
• Adeiladu fframwaith cynaliadwy ar gyfer arloesi, ymchwil a gwelliant.

Rydym yn gyfleuster technoleg blaenllaw yn y DU sy’n cynnig mynediad i ystod eang o gyfleusterau ac arbenigedd technegol arbenigol cynhwysfawr.

Rydym yn cynnig mynediad i ystod eang o gyfleusterau ymchwil gwyddorau bywyd, gan gefnogi a galluogi ymchwil academaidd a diwydiannol ar draws y diwydiant gwyddorau bywyd.

Mae ein cyfleusterau ymchwil yn canolbwyntio ar ddarparu cymorth mewn:

• Dadansoddi celloedd a delweddu
• Genomeg a biowybodeg
• Proteinau a diagnosteg

Mae ein tîm o arbenigwyr gwyddonol a thechnolegol yn cynnig gwasanaeth cynhwysfawr gan gynnwys cyngor dylunio arbrofol, paratoi samplau, cynhyrchu data a dadansoddi data.

Mae ein hachrediad ISO 9001:2015 yn dangos ein hymrwymiad cryf a pharhaus i ansawdd. Mae ein hachrediad GCLP yn dangos ein rhagoriaeth wrth gefnogi treialon clinigol.

Rydym yn croesawu cwsmeriaid o fusnesau a’r gymuned ymchwil.

Yn rhan o deulu GIG Cymru ac yn bartner dibynadwy, mae DHCW yn bwrw ymlaen â’r genhedlaeth nesaf o wasanaethau sydd eu hangen i drawsnewid y ffordd y darperir iechyd a gofal:

• Cefnogi staff rheng flaen gyda systemau modern a mynediad diogel at wybodaeth am eu cleifion, sydd ar gael lle bynnag y dymunant weithio
• Darparu atebion digidol newydd i gefnogi gofal i gleifion canser, i helpu nyrsys, i foderneiddio unedau gofal critigol, i ddiweddaru fferylliaeth ysbytai, rhagnodi a gofal cymunedol
• Defnyddio data i roi mewnwelediad a gwella sut mae gwasanaethau iechyd a gofal yn cael eu darparu a’u cyrchu gan gleifion
• Helpu Cymry i reoli eu hiechyd eu hunain a gwella o salwch drwy roi gwasanaethau iechyd yn eu pocedi. Rhoi mynediad i bobl at eu cofnod iechyd digidol eu hunain ac apiau o unrhyw ddyfais gan ei gwneud yn haws cysylltu â gwasanaethau iechyd a gofal
• Brwydro yn erbyn troseddau seiber trwy uned seiber-gydnerthedd bwrpasol
• Defnyddio safonau digidol i ganiatáu ar gyfer datblygu a darparu gwasanaethau digidol yn gyflymach
• Diogelu asedau data gwerthfawr trwy foderneiddio storio data a mabwysiadu polisi 'cwmwl yn gyntaf'

Sefydlwyd WHSSC (a gynhelir gan Fwrdd Iechyd Prifysgol Cwm Taf Morgannwg ) yn 2010 gan y saith Bwrdd Iechyd Lleol yng Nghymru i sicrhau bod gan boblogaeth Cymru fynediad teg a chyfartal at yr ystod lawn o wasanaethau arbenigol. Mae PGIAC yn gyfrifol am gyd-gynllunio Gwasanaethau Arbenigol a Thrydyddol ar ran Byrddau Iechyd Lleol yng Nghymru . Wrth sefydlu WHSSC i weithio ar eu rhan, cydnabu'r saith Bwrdd Iechyd Lleol (BILl) mai'r ffordd fwyaf effeithlon ac effeithiol o gynllunio'r gwasanaethau hyn oedd cydweithio i leihau dyblygu a sicrhau cysondeb.

Wedi'i lleoli yn Ysgol Reolaeth Prifysgol Abertawe, mae Academi'r IHSC yn datblygu rhaglenni i gefnogi uwch arweinwyr a darpar arweinwyr i ysgogi arloesedd o fewn iechyd a gofal cymdeithasol. Trwy ddulliau ymarferol, mae'r rhaglenni hyn yn helpu sefydliadau i wella systemau, prosesau a thechnolegau i wella canlyniadau. Gall yr IHSC gefnogi staff GIG Cymru ar bob cam o’r fframwaith arloesi, gan gynnig sawl ysgoloriaeth a ariennir yn rhannol gan Lywodraeth Cymru i ddysgwyr proffesiynol o bob rhan o Gymru. Mae cynnwys o’n cyrsiau ar gael i’ch cynorthwyo gyda’ch taith drwy’r llwybr, gan gynnwys fideos darlithoedd, cyfweliadau, crynodebau offer, a ffeithluniau. Meithrin Arloesedd mewn Gofal Iechyd Trwy Ddysgu ac Ymchwil ar y Cyd Mae systemau gofal iechyd ledled y byd yn wynebu pwysau cynyddol oherwydd costau cynyddol, poblogaethau sy'n heneiddio, ac anghenion cymhleth cleifion. Er mwyn mynd i'r afael â'r heriau hyn, mae Academi Dysgu Dwys Cymru Gyfan ar gyfer Arloesedd mewn Iechyd a Gofal Cymdeithasol ym Mhrifysgol Abertawe yn datblygu modelau newydd o ddysgu ac ymchwil cydweithredol. Arweinir gan Dr. Daniel Rees a Dr. Roderick Thomas, mae'r Academi'n gweithio gyda darparwyr gofal iechyd, partneriaid yn y diwydiant, a sefydliadau academaidd i ysgogi arloesedd gofal iechyd. Mynd i'r Afael â Heriau Gofal Iechyd Trwy Arloesedd Mae'r galw am ofal iechyd yn parhau i fod yn fwy na'r adnoddau sydd ar gael, gan wneud cynnydd mewn gwariant traddodiadol yn anghynaliadwy. Mae'r Academi'n canolbwyntio ar Reoli Arloesedd, gyda'r nod o sicrhau'r canlyniadau gorau posibl i gleifion mewn perthynas â chostau. Mae'r dull hwn yn ailgyfeirio systemau gofal iechyd i gystadlu ar ddarparu gwell gofal i gleifion yn hytrach na dim ond rheoli costau. Gyda chefnogaeth Llywodraeth Cymru, mae'r Academi yn meithrin trawsnewid trwy ddysgu, ymchwil ac ymgynghoriaeth. Datblygu Sgiliau ar gyfer Ymchwil ac Arloesedd Gofal Iechyd Ers ei lansio yn 2021, mae’r Academi wedi datblygu rhaglenni ôl-raddedig, gan gynnwys MSc, Diplomâu Ôl-raddedig, a Thystysgrifau mewn Arloesedd Iechyd a Gofal Uwch, Rheoli Systemau Cymhleth, a Thechnoleg Gofal Iechyd. Mae'r cyrsiau dysgu cymysg, hyblyg hyn yn darparu ar gyfer gweithwyr proffesiynol sy'n gweithio ac maent wedi'u hachredu gan CMI, FMLM, a DPP. Mae’r Academi wedi hyfforddi 885 o fyfyrwyr yn llwyddiannus (2021-2024), gyda llawer wedi sicrhau dyrchafiad neu rolau arwain. Mae dysgu cymhwysol yn ganolog, gyda phrosiectau seiliedig ar waith yn disodli traethodau hir traddodiadol, gan ganiatáu i weithwyr proffesiynol gymhwyso dirnadaeth yn uniongyrchol i heriau diwydiant. Ymchwil ac Ymgysylltu ar gyfer Effaith Go Iawn yn y Byd Mae’r Academi yn pwysleisio ymchwil gymhwysol, gan sicrhau dros £2 filiwn o gyllid (Llywodraeth Cymru, Llywodraeth y DU, y Weinyddiaeth Amddiffyn, Innovate UK, ESRC ac EPSRC) a chefnogi dros 60 o brosiectau a arweinir gan y diwydiant. Mae mentrau nodedig yn cynnwys ysgoloriaethau ymchwil PhD, lle mae gweithwyr proffesiynol yn cynnal astudiaethau doethurol ar heriau gofal iechyd. Mae ymchwil wedi dylanwadu’n uniongyrchol ar Strategaeth Arloesedd Llywodraeth Cymru, gan arddangos rôl yr Academi o ran pontio’r byd academaidd, diwydiant a pholisi. Mae pynciau ymchwil cyfredol yn amrywio o flinder clinigol ac arweinyddiaeth dosturiol i ragfynegi difrifoldeb strôc ac arloesi ym maes gofal canser. Adeiladu Ecosystem Arloesedd Y tu hwnt i addysg ac ymchwil, mae'r Academi yn meithrin cydweithrediad ar draws gofal iechyd, gofal cymdeithasol a diwydiant. Mae mentrau megis hacathonau, rhaglenni datblygu arweinyddiaeth, a phartneriaethau trosglwyddo gwybodaeth yn cryfhau'r dirwedd arloesi. Mae cydweithio ag iLab Prifysgol Abertawe ac Agor Innovation yn cysylltu ymchwil academaidd ymhellach â chymwysiadau diwydiant. Un enghraifft yw'r Rhaglen Datblygu Partneriaeth, menter 18 mis a gynlluniwyd ar gyfer arweinwyr clinigol a gweithredol o fewn byrddau iechyd Cymru.

Mae Ymchwil Iechyd a Gofal Cymru yn sefydliad rhwydwaith, y mae Llywodraeth Cymru yn ei gefnogi, sy’n dod ag amrywiaeth eang o bartneriaid ynghyd ar draws y GIG yng Nghymru, awdurdodau lleol, prifysgolion, sefydliadau ymchwil, y trydydd sector ac eraill.

Rydym yn gweithio mewn partneriaeth agos ag asiantaethau eraill y llywodraeth a chyllidwyr ymchwil (yng Nghymru a ledled y DU); partneriaid diwydiant; cleifion; defnyddwyr gwasanaeth; y cyhoedd a rhanddeiliaid eraill.

Rydym yn gweithio gyda’n gilydd i hyrwyddo ymchwil i glefydau, triniaethau, gwasanaethau a chanlyniadau a all arwain at ddarganfyddiadau ac arloesiadau a all wella a hyd yn oed achub bywydau pobl.

Iechyd Cyhoeddus Cymru yw’r asiantaeth iechyd cyhoeddus genedlaethol yng Nghymru. Maent yn gweithio i ddiogelu a gwella iechyd a lles a lleihau anghydraddoldebau iechyd i bobl Cymru.

Mae Iechyd Cyhoeddus Cymru yn casglu ac yn dadansoddi data iechyd i nodi materion a thueddiadau iechyd allweddol ac yn gweithio â phrifysgolion i gynnal ymchwil i iechyd y cyhoedd.

Comisiwn Bevan yw prif felin drafod iechyd a gofal Cymru, a gynhelir ac a gefnogir gan Brifysgol Abertawe. Sefydlwyd y Comisiwn yn wreiddiol yn 2008 gan yr Athro Syr Mansel Aylward i roi cyngor annibynnol a chonsensws ar faterion yn ymwneud ag iechyd a gofal i Lywodraeth Cymru. Gan anrhydeddu gwaddol Aneurin Bevan, rydym yn gweithio i sicrhau bod pobl yng Nghymru yn gallu cael gafael ar wasanaethau iechyd a gofal fforddiadwy a chynaliadwy o ansawdd uchel. Mae Comisiwn Bevan yn cynnwys 24 o Gomisiynwyr Bevan o fri rhyngwladol; arbenigwyr iechyd a gofal sy’n dod o amrywiaeth o ddisgyblaethau gan gynnwys diwydiant, y GIG, llywodraeth leol, y lluoedd arfog, y byd academaidd a’r trydydd sector. Am yr 16 mlynedd diwethaf rydym wedi gweithio gyda staff rheng flaen, uwch arweinwyr, aelodau o'r cyhoedd, y byd academaidd a diwydiant i gynhyrchu ymchwil arloesol a chefnogi arloesedd arloesol sydd wedi helpu i godi ansawdd ac enw da rhyngwladol system iechyd a gofal Cymru. Trwy ei raglenni arloesi blaenllaw; Enghreifftiau Bevan; Cymrodorion Bevan; a'r Rhaglen Mabwysiadu, Lledaenu ac Ymgorffori; Mae’r Comisiwn yn cefnogi arloesi ym maes iechyd a gofal yng Nghymru drwy weithio ochr yn ochr â gweithwyr iechyd a gofal proffesiynol i roi cynnig ar, profi, lledaenu ac ymgorffori dulliau arloesol o ddarparu gofal. Sut mae Comisiwn Bevan yn Cefnogi'r Fframwaith Arloesedd : Disgrifiwch, Deall, a Diffiniwch: Drwy ei rôl fel y felin drafod arweiniol ar gyfer iechyd a gofal cymdeithasol yng Nghymru, mae Comisiwn Bevan yn chwarae rhan yn y gwaith o ddisgrifio, deall a diffinio’r heriau a’r cyfleoedd sy’n wynebu gwasanaethau iechyd a gofal yng Nghymru.   Datblygu Atebion: Trwy ei gyfres o raglenni arloesi, mae Comisiwn Bevan yn cefnogi gweithwyr iechyd a gofal proffesiynol o bob rhan o Gymru i ddatblygu a mireinio cynhyrchion, prosesau, gwasanaethau a modelau darparu newydd mewn lleoliadau byd go iawn.   Creu Tystiolaeth a Phrofi Gwerth: Trwy ei gyfres o raglenni arloesi, mae Comisiwn Bevan yn darparu rhaglen 12 mis strwythuredig o ganllawiau ar gyfer proffesiynau iechyd a gofal cymdeithasol, gan eu cefnogi i roi cynnig ar ffyrdd newydd o weithio, eu profi a’u gwerthuso i bennu effaith, dichonoldeb a scalability. Parodrwydd ar gyfer Mabwysiadu, Addasu a Defnyddio: Drwy ei Raglen Mabwysiadu, Lledaenu ac Ymgorffori, mae Comisiwn Bevan yn eiriol dros ac yn darparu rhaglen strwythuredig o gymorth ar gyfer arloeswyr iechyd a gofal ledled Cymru i baratoi ar gyfer mabwysiadu ac addasu eu harloesedd sy’n seiliedig ar dystiolaeth yn ehangach a’u llywio.   Lledaeniad a Graddfa: Trwy ei Raglen Mabwysiadu, Lledaenu ac Ymgorffori, mae Comisiwn Bevan hefyd yn darparu rhaglen strwythuredig o gymorth ar gyfer arloeswyr iechyd a gofal ledled Cymru i ysgogi lledaeniad a graddfa ehangach o ddatblygiadau arloesol sy’n seiliedig ar dystiolaeth.

Rydym ar flaen y gad o ran arloesi mewn gofal clinigol heb ei gynllunio. Rydym yn darparu cyngor a chefnogaeth, ac yn dangos y ffordd, i filoedd o gleifion y flwyddyn at y gwasanaethau cywir trwy ein gwasanaethau “clywed a thrin”. Mae hyn yn cynnwys Galw Iechyd Cymru a’r gwasanaeth 111 (yn ardaloedd Bae Abertawe, Powys, Hywel Dda ac Aneurin Bevan); a’n Desg Glinigol. Rydym yn cludo cannoedd o filoedd o gleifion i fan gofal, neu gartref, bob blwyddyn drwy ein Gwasanaeth Cludo Cleifion Di-argyfwng (NEPTS).

Cenhadaeth Sefydliad TriTech yw ymchwilio, datblygu a gwerthuso arloesiadau iechyd a lles ar raddfa leol, genedlaethol a byd-eang. Mae’r Sefydliad TriTech yn cynnig un pwynt mynediad at Iechyd a Gofal Cymdeithasol yng Nghymru gydag arbenigwyr academaidd, gwely prawf GIG clinigol rhanbarthol, a dull ystwyth ac effeithlon.

Gan gydweithio â’r sector gwyddorau bywyd ac amrywiol Sefydliadau Addysg Uwch (SAUau) ledled Cymru a’r DU, mae’r tîm o wyddonwyr clinigol, ymchwilwyr, peirianwyr, gwyddonwyr data, nyrsys, fferyllwyr a meddygon yn cynnal ymchwil a gwerthusiadau byd go iawn ar ddatblygiadau gofal iechyd arloesol. Mae’r tîm yn cynnwys unigolion sydd â chontractau anrhydeddus GIG/SAU deuol ac mae’n cwmpasu amrywiaeth o gefndiroedd gan gynnwys y GIG, SAU a diwydiant.

 

Disgrifio, Deall, a Diffinio

Cefnogaeth

Mae’r Sefydliad TriTech yn defnyddio dull strwythuredig o ymdrin â symbylu arloesedd gofal iechyd. Pwynt cyntaf y fethodoleg hon yw Disgrifio’r anghenion a’r heriau nas diwallwyd o fewn y system gofal iechyd, gan sicrhau dealltwriaeth glir o’r cyd-destun a’r gofynion. Nesaf, mae’r sefydliad yn canolbwyntio ar Ddeall yr anghenion hyn trwy ymchwil gynhwysfawr ac ymgysylltu â rhanddeiliaid, sy’n cynnwys casglu gwybodaeth fewnol gan gleifion, gweithwyr gofal iechyd proffesiynol, ac arbenigwyr diwydiant. Yn olaf, mae’r cam Diffinio’n cynnwys manylu ar ddatrysiadau a strategaethau manwl gywir i fynd i’r afael â’r anghenion a nodwyd, gan sicrhau bod datblygiadau arloesol yn ymarferol ac yn effeithiol. Mae’r dull hwn o weithredu’n sicrhau bod mentrau Sefydliad TriTech yn hyddysg, wedi’u targedu’n dda ac yn gallu gwneud gwahaniaeth sylweddol o ran darparu gofal iechyd.

Hyfforddiant  Rheoli Ansawdd

Adnoddau  Gwyddonwyr clinigol, ymchwilwyr, peirianwyr, gwyddonwyr data, nyrsys, fferyllwyr a doctoriaid

Dysgwch fwy  Tystebau - Sefydliad TriTech

 

 

Archwilio a Nodi Datrysiadau

Cefnogaeth

1.Sganio’r gorwel, Signal galwadau

2.Cefnogaeth reoleiddiol a Rheoli Ansawdd

3.Astudiaethau peilot, treialon clinigol, ymchwiliadau clinigol neu brofion cychwynnol ar ddatblygiad arloesol.

4.Ymchwil – mae hyn yn cynnwys sefydliadau sy’n comisiynu ymchwiliadau a threialon clinigol i sicrhau effeithiolrwydd a diogelwch eu datblygiadau arloesol

5.Gwerthusiad y Byd Go Iawn – bydd hyn yn cynnwys sefydliadau sy’n comisiynu ymchwil gwerthusol i ddeall effaith ehangach eu harloesiadau iechyd a lles; modelau llwybr clinigol, Technoleg-Meddygol, Digidol / AI a gwasanaethau, fel rhan o ofal arferol.

Hyfforddiant  Rheoli Ansawdd a Thystiolaeth o’r Byd Go Iawn

Adnoddau  Gwyddonwyr clinigol, ymchwilwyr, peirianwyr, gwyddonwyr data, nyrsys, fferyllwyr a doctoriaid

Dysgwch fwy  Ein Sefydliad - Sefydliad TriTech

 

 

Datblygu Datrysiadau

Cefnogaeth

Cefnogaeth reoleiddiol a Rheoli Ansawdd

Astudiaethau peilot, treialon clinigol, ymchwiliadau clinigol neu brofion cychwynnol ar ddatblygiad arloesol.

Ymchwil – mae hyn yn cynnwys sefydliadau sy’n comisiynu ymchwiliadau a threialon clinigol i sicrhau effeithiolrwydd a diogelwch eu datblygiadau arloesol

Gwerthusiad y Byd Go Iawn – bydd hyn yn cynnwys sefydliadau sy’n comisiynu ymchwil gwerthusol i ddeall effaith ehangach eu harloesiadau iechyd a lles; modelau llwybr clinigol, Technoleg-Meddygol, Digidol / AI a gwasanaethau, fel rhan o ofal arferol.

Hyfforddiant  Rheoli Ansawdd

Adnoddau  Gwyddonwyr clinigol, ymchwilwyr, peirianwyr, gwyddonwyr data, nyrsys, fferyllwyr a doctoriaid

Dysgwch fwy Ein Partneriaid - Sefydliad TriTech

 

 

Creu tystiolaeth a Phrofi Gwerth

Cefnogaeth

Gwerthusiad y Byd Go Iawn – bydd hyn yn cynnwys sefydliadau sy’n comisiynu ymchwil gwerthusol i ddeall effaith ehangach eu harloesiadau iechyd a lles; modelau llwybr clinigol, Technoleg-Meddygol, Digidol / AI a gwasanaethau, fel rhan o ofal arferol. Mae ymchwil arfarnol o’r fath yn rhoi cyfle i asesu, er enghraifft, profiadau defnyddwyr gwasanaeth a staff o’r arloesiadau gan gynnwys canlyniadau a phrofiad a adroddir gan gleifion, dadansoddi economaidd iechyd a’r costau sy’n gysylltiedig â’u cyflwyniad, dylunio defnyddioldeb ac a fydd gwelliannau gweithredol a gwasanaethau yn creu canlyniadau.

Hyfforddiant  Rheoli Ansawdd

Adnoddau  Gwyddonwyr clinigol, ymchwilwyr, peirianwyr, gwyddonwyr data, nyrsys, fferyllwyr a doctoriaid

Dysgwch fwy Prosiectau Byw - Sefydliad TriTech

 

 

Mabwysiadu, Addasu a Pharodrwydd i Gyflwyno

Cefnogaeth

Mae TriTech yn gwerthuso parodrwydd arloesiadau newydd yn systematig ar gyfer gweithrediad clinigol. Mae hyn yn cynnwys asesu ffactorau amrywiol fel cydymffurfiaeth â rheoliadau, hyfywedd ariannol, a’r effaith bosibl ar ddeilliannau cleifion a phrofiadau staff. Y nod yw sicrhau bod arloesiadau’n effeithiol a hefyd wedi’u hintegreiddio’n ddi-dor i systemau gofal iechyd presennol. Mae’r broses werthuso gynhwysfawr hon yn helpu i fanteisio i’r eithaf ar fuddion technolegau newydd wrth leihau risgiau, gan arwain yn y pen draw at well gofal cleifion ac effeithlonrwydd gweithredol

Hyfforddiant  Rheoli Ansawdd

Adnoddau  Gwyddonwyr clinigol, ymchwilwyr, peirianwyr, gwyddonwyr data, nyrsys, fferyllwyr a doctoriaid

Dysgwch fwy. Prosiectau Byw - Sefydliad TriTech <https://tritech.nhs.wales/live-projects/>

 

 

Lledaenu ac Ehangu

Cefnogaeth

Mae ein dull o ymdrin â lledaenu ac ehangu yn cynnwys strategaeth amlddisgyblaethol sy’n cyfuno arbenigedd clinigol a gwyddonol ag ymchwil academaidd a phartneriaethau â diwydiant. Trwy ganolbwyntio ar ofal iechyd sy’n Seiliedig-ar-Werth, nod TriTech yw sicrhau bod arloesiadau’n cael eu datblygu a hefyd yn cael eu gweithredu a’u gwerthuso’n effeithiol yn y byd go iawn. Mae’r dull cynhwysfawr hwn yn helpu i wella deilliannau cleifion a hyrwyddo bywydau iachach ar raddfa fwy.

Hyfforddiant  Rheoli Ansawdd

Adnoddau  Gwyddonwyr clinigol, ymchwilwyr, peirianwyr, gwyddonwyr data, nyrsys, fferyllwyr a doctoriaid

Dysgwch fwy  Astudiaethau Achos - Sefydliad TriTech

 

Fel rhwydwaith gwyddorau bywyd annibynnol dros Gymru, mae MediWales yn dwyn diwydiant, y byd academaidd a’r gymuned glinigol ynghyd i gefnogi datblygiad gwyddorau bywyd dynol yng Nghymru a chreu cydweithrediadau a chyfleoedd busnes ar gyfer ei aelodau, wrth ddathlu eu llwyddiant a hyrwyddo cryfderau’r sector yng Nghymru hefyd. Gyda hynny, mae MediWales yn cefnogi datblygiad masnach fyd-eang, yn gwella mynediad at arbenigedd clinigol hanfodol ac yn ymgysylltu â’r llywodraeth i alinio cymorth ag anghenion y sector.

Mae MediWales yn creu cydweithrediad trwy gyhoeddiadau a rhaglen boblogaidd o ddigwyddiadau sy’n canolbwyntio ar faterion strategol ar gyfer y diwydiant gwyddorau bywyd, gan gynnwys diweddariadau rheoleiddiol, mynediad i’r farchnad, cyllid, anghenion clinigol heb eu diwallu, masnach ryngwladol ac amrywiaeth o grwpiau diddordeb arbennig.

Sut Mae MediWales yn Cefnogi’r Fframwaith Arloesedd

Disgrifio, Deall a Diffinio - mae MediWales yn cynnal digwyddiadau ac yn cefnogi creu partneriaethau i adeiladu’r arbenigedd a’r timau cywir i ddeall cyfle yn llawn.

Archwilio a Nodi Datrysiadau - Mae tîm MediWales yn meddu ar wybodaeth ddofn ac amrywiaeth eang o gysylltiadau ym maes gofal iechyd, diwydiant ac ymchwil i gefnogi asesu’r farchnad a sganio’r gorwel ac i nodi datrysiadau.

Mabwysiadu, Addasu a Datblygu a Pharodrwydd i Gyflwyno - Mae MediWales yn gweithio’n agos ag arweinwyr arloesi iechyd a gofal cymdeithasol i gefnogi mabwysiadu datrysiadau arloesol i fynd i’r afael â blaenoriaethau iechyd a gofal.

Mae CEDAR (Canolfan ar gyfer Gwerthuso Gofal Iechyd, Asesu Dyfeisiau ac Ymchwil) yn cynhyrchu tystiolaeth i gefnogi gwneud penderfyniadau mewn gofal iechyd, gan gynhyrchu adroddiadau cynhwysfawr ar agweddau clinigol, cost-effeithiolrwydd, rheoleiddio a diogelwch technolegau iechyd sy’n dod i’r amlwg, ymyriadau gofal iechyd ac ad-drefnu gwasanaethau’r GIG. Mae Cedar yn darparu gwasanaethau i Ganolfan Gwerth Cymru mewn Iechyd (WViHC), y Sefydliad Cenedlaethol dros Ragoriaeth mewn Iechyd a Gofal (NICE), Pwyllgor Gwasanaethau Iechyd Arbenigol Cymru (WHSSC), a Llywodraeth Cymru. Maent yn gweithio’n agos gyda diwydiant, y byd academaidd, a gweithwyr iechyd proffesiynol i gychwyn a chynnal adolygiadau tystiolaeth, astudiaethau ymchwil a gwerthuso.

Mae CEDAR yn ymgymryd ag adolygiadau tystiolaeth ar amrywiaeth o bynciau. Gall y rhain fod yn adolygiadau systematig manwl neu’n brosiectau casglu tystiolaeth cyflym. Mae staff CEDAR wedi’u hyfforddi mewn methodolegau adolygu systematig gan gynnwys chwilio am lenyddiaeth, gwerthuso beirniadol, synthesis tystiolaeth a meta-ddadansoddi. Mae gan CEDAR bartneriaeth sefydledig â’r Uned Arbenigol ar gyfer Tystiolaeth Adolygu (SURE) ym Mhrifysgol Caerdydd. Mae CEDAR wedi’i gontractio gan y Sefydliad Cenedlaethol dros Ragoriaeth mewn Iechyd a Gofal (NICE) i gynnal adolygiadau tystiolaeth ar dechnolegau meddygol a chan Bwyllgor Gwasanaethau Iechyd Arbenigol Cymru (WHSSC) i ddarparu adolygiadau cyflym i gefnogi eu polisïau comisiynu. Maent hefyd yn cynnal adolygiadau tystiolaeth annibynnol ar gyfer amrywiaeth o gwsmeriaid a mathau o brosiectau.

Mae gan Brifysgol De Cymru (PDC) hanes balch o weithio mewn partneriaeth â diwydiant, busnesau a chymunedau i greu effaith yn y byd go iawn. Gyda champysau yng Nghaerdydd, Casnewydd a Phontypridd, mae PDC yn cynnig portffolio nodedig o gyrsiau sy’n seiliedig ar ddiwydiant, wedi’u cynllunio ar y cyd â chyflogwyr i sicrhau bod gan raddedigion y sgiliau, y wybodaeth, a’r profiad i ffynnu. Fel prif brifysgol ehangu cyfranogiad Cymru, mae PDC wedi ymrwymo i fynd i’r afael ag anghydraddoldebau cymdeithasol, cefnogi myfyrwyr o bob cefndir i gyflawni eu potensial, a chyfrannu at ffyniant economaidd, cymdeithasol a diwylliannol ein rhanbarth a thu hwnt. Trwy arloesi, cydweithredu, a synnwyr cyffredin o bwrpas, mae PDC yn helpu i adeiladu dyfodol gwell i fyfyrwyr, partneriaid a chymunedau.

Yn unol â’r ymrwymiad hwn i arloesi a chydweithio, mae Cyflymydd Iechyd a Llesiant Prifysgol De Cymru yn trosoli degawdau o brofiad ac arbenigedd dwfn ym maes iechyd, gofal ac addysg, ynghyd â chysylltiadau cadarn ar draws ecosystem gofal iechyd Cymru, i ysgogi arloesedd ystyrlon ym maes iechyd a llesiant. Mae'r arbenigedd hwn yn mynd i'r afael yn uniongyrchol â materion iechyd dybryd, gan gynnwys heneiddio'n iach, hybu iechyd y boblogaeth, a gwell ansawdd gofal ar gyfer grwpiau agored i niwed.

Mewn cydweithrediad â chyfadrannau a gwasanaethau proffesiynol ar draws y Brifysgol, mae'r Cyflymydd yn meithrin hyfforddiant a arweinir gan ddefnyddwyr, cwricwla arloesol, ac atebion pwrpasol wedi'u teilwra i heriau sefydliadol a busnes.

I gael rhagor o wybodaeth am Gyflymydd Iechyd a Lles PDC, ewch i: Cyflymydd Iechyd a Lles - Prifysgol De Cymru

Mae tri phartner strategol—Prifysgol Abertawe, Bwrdd Iechyd Prifysgol Hywel Dda, a Bwrdd Iechyd Prifysgol Bae Abertawe—wedi ffurfio partneriaeth unigryw a elwir yn Gydweithrediad Rhanbarthol ar gyfer Iechyd (ARCH). Mae’n cynnwys rhanbarthau awdurdodau lleol Abertawe, Ceredigion, Sir Benfro, Sir Gaerfyrddin a Chastell-nedd Port Talbot.

Modelu Galw a Chapasiti, Asesiad Anghenion Iechyd, Gweithdai/Digwyddiadau, Mapio Prosesau, Casglu Data, Gosod Nodau/Amcanion, Pennu Cwmpas, Heriau gwahodd / dan arweiniad her, Deall y model clinigol YR HACATHON IECHYD

Mae Byrddau Gwasanaethau Cyhoeddus (BGCau) yn gwella cydweithio ar draws yr holl wasanaethau cyhoeddus ym mhob ardal awdurdod lleol yng Nghymru.

Asesiadau llesiant, bodloni cyfrifoldebau Deddf Cenedlaethau’r Dyfodol

Pwy ydym ni

Mae Hwb Gwyddorau Bywyd Cymru yn cysylltu cwmnïau arloesol â darparwyr gofal iechyd a’r GIG i sicrhau effaith economaidd ac iechyd ystyrlon. Drwy gefnogi’r gwaith o fabwysiadu datrysiadau arloesol, rydym ni’n helpu i drawsnewid gofal iechyd yng Nghymru a’r tu hwnt.

Rydym ni’n gweithio’n agos gyda thimau iechyd a gofal cymdeithasol blaenllaw i nodi heriau critigol a’u cysylltu â datblygiadau arloesol sy’n cael effaith fawr. Mae ein dull gweithredu sydd wedi’i deilwra, ynghyd â’n harbenigedd dwys, yn sicrhau manteision yn y byd go iawn i gleifion a darparwyr gofal iechyd fel ei gilydd.

Beth rydym ni’n ei wneud

Rydym ni’n darparu cymorth arbenigol i gyflymu’r broses o fabwysiadu arloesedd ym maes iechyd a gofal cymdeithasol. Mae ein gwasanaethau yn cynnwys:

• Datblygu Partneriaethau – Cysylltu sefydliadau ag arloeswyr, digwyddiadau yn y diwydiant, a chyfleoedd i gydweithio.
• Rheoli Prosiectau – Cefnogi arloesedd o’r cam sefydlu i’r cam gweithredu ar raddfa fawr.
• Datblygu Achosion Busnes – Helpu i greu achosion busnes cryf sy’n seiliedig ar dystiolaeth ar gyfer dulliau mabwysiadu clinigol.
• Cynigion sy’n barod i gael eu mabwysiadu – Cynlluniau gweithredu wedi’u teilwra yn seiliedig ar asesiadau strwythuredig.
• Adroddiadau ar y farchnad a sganiau cyflym – Gwybodaeth am dirweddau arloesi, llwybrau rheoleiddio, ac economeg iechyd.
• Asesiadau Arloesi – Gwerthuso parodrwydd y farchnad a chynnig adborth strategol.
• Cyngor ar Gyllid – Canfod cyfleoedd buddsoddi a chefnogi’r gwaith o ddatblygu cynigion.
• Arddangos Arloesedd – Cyhoeddi astudiaethau achos, newyddion am y diwydiant, a blogiau gwadd i gynyddu effaith.

Sut rydym ni’n helpu

Datblygu Partneriaethau

Rydym ni’n cysylltu sefydliadau â’r arloeswyr cywir i gyflymu’r broses fabwysiadu. Drwy bartneriaethau strategol, rhwydweithio yn y diwydiant, a chyfarfodydd bwrdd crwn dan arweiniad arbenigwyr, rydym yn hwyluso cydweithio sy’n sbarduno newid go iawn.

 Datblygu Achosion Busnes

Rydym ni’n cefnogi prosiectau arloesi gydag achosion busnes sy’n cael eu gyrru gan ddata ac sy’n cyd-fynd â’r Model Pum Achos, gan sicrhau bod penderfyniadau cadarn yn cael eu gwneud yn seiliedig ar dystiolaeth ar gyfer dulliau mabwysiadu clinigol.

Cynigion sy’n barod i’w mabwysiadu

Mae ein hasesiadau arloesedd strwythuredig yn sicrhau bod cynigion yn cael eu teilwra ar gyfer dulliau mabwysiadu llwyddiannus, gan gynnwys adolygiadau gwerthuso, cynlluniau gweithredu, a chymorth parhaus.

Adroddiadau ar y Farchnad a Sganiau Cyflym

Mae ein tîm gwybodaeth am y sector yn darparu gwybodaeth am y farchnad, canllawiau rheoleiddio, a dadansoddiad economaidd iechyd i helpu sefydliadau i lywio’r dirwedd arloesi.

Rheoli Prosiectau

Rydym ni’n cefnogi’r cylch bywyd arloesi yn llawn, gan gynnwys y profion peilot a’r broses o gyflwyno prosiectau ar raddfa fawr. Mae ein tîm yn sicrhau bod newid yn cael ei reoli’n effeithiol ac yn cysylltu sefydliadau â’r partneriaid arloesi mwyaf addas.

I gael rhagor o wybodaeth am ein gwasanaethau cymorth, ewch i: Cefnogi Arloesi | Gwyddorau Bywyd

Arddangos Arloesedd ym maes Iechyd a Gofal Cymdeithasol

Rydym ni’n darparu llwyfan i bartneriaid rannu’r arferion gorau ac ehangu eu gwaith.

• Cyflwyno Astudiaeth Achos – Cliciwch yma i gyflwyno astudiaeth achos
• Cyflwyno Stori Newyddion – Cliciwch yma i gyflwyno stori newyddion
• Hyrwyddo Digwyddiad – Anfonwch e-bost i hello@lshubwales.com
• Ysgrifennu Blog Gwadd – Anfonwch eich syniad at hello@lshubwales.com

Adnoddau a Gwybodaeth

Rydym ni’n darparu adnoddau allweddol i gefnogi arloesedd ym maes iechyd a gofal cymdeithasol, gan helpu sefydliadau i gael gafael ar gyllid, rhwydweithiau a gwybodaeth arbenigol.

• Cronfa Ddata Cyllid – Mynediad at y cyfleoedd cyllido diweddaraf.
• Cyfeiriadur Sefydliadau – Dod o hyd i bartneriaid ecosystem arloesi yng Nghymru.
• Prosiectau Arloesi – Yr wybodaeth ddiweddaraf am brosiectau cydweithredol sy’n digwydd ledled Cymru.
• Hyfforddiant a Datblygiad – Dod o hyd i ddarparwyr hyfforddiant arloesi ym maes iechyd a gofal cymdeithasol.
• Cylchlythyrau’r Diwydiant – Yr wybodaeth ddiweddaraf am y sector.

Edrych ar Adnoddau – Ewch i’n gwefan

 

Mae'r Ganolfan Technoleg Gofal Iechyd (HTC) yn sefydliad ymchwil a datblygu arbenigol sydd wedi'i leoli ym Mhrifysgol Abertawe. Mae HTC yn darparu cyswllt strwythurol rhwng sefydliadau academaidd, partneriaid diwydiannol a darparwyr gofal iechyd ac yn cefnogi datblygiadau technolegol ac atebion blaengar i heriau gofal iechyd i wella canlyniadau gofal iechyd. Yn bennaf mae wedi cefnogi prosiectau sy'n ymwneud â gwybodeg gofal iechyd, datrysiadau iechyd digidol, a chreu offer meddygol. Yn ogystal, mae hefyd yn gartref i dîm ymroddedig o ymchwilwyr sy'n arbenigo mewn gwerthuso arloesiadau gofal iechyd ledled Cymru.

Mae Llywodraeth Cymru’n ariannu Ysgol Ymchwil Presgripsiynu Cymdeithasol Cymru drwy Ymchwil Iechyd a Gofal Cymru ac mae’n rhan o Ganolfan PRIME Cymru. Ei nod yw gwella iechyd a lles cymdeithas trwy ymchwil a gwerthuso presgripsiynu cymdeithasol.

Adolygiadau Cwmpasu, Casglu Data, Datblygu Fframweithiau

Mae Canolfan PRIME Cymru yn ganolfan ymchwil sy’n canolbwyntio ar ofal sylfaenol a gofal brys, y mae Ymchwil Iechyd a Gofal Cymru yn ei hariannu er mwyn datblygu a chydlynu cynigion ymchwil a chefnogi ymchwilwyr. Mae’n ganolfan Cymru gyfan dan arweiniad ar y cyd gan Brifysgol Caerdydd , Prifysgol Bangor , Prifysgol De Cymru , a Phrifysgol Abertawe .

Mae PRIME yn gweithio ar draws y 6 cham, gyda ffocws arbennig ar gamau 2-4.

Mae Canolfan PRIME Cymru o fudd i’r GIG a phobl Cymru drwy ddarparu sylfaen academaidd a thystiolaeth gref i ategu gofal sylfaenol a gofal brys.

Mae ein gwaith cydweithredol rhwng academyddion blaenllaw, unigolion, cymunedau, a sefydliadau yn hanfodol i gyd-gynhyrchu ymchwil o ansawdd uchel ar raddfa fawr sy’n cael effaith.

Mae hyn yn sail i welliannau i wasanaethau sylfaenol a gwasanaethau brys, gan ddod â gwasanaethau arloesol yn nes at gymunedau, grymuso cleifion a theuluoedd yn eu gofal, gwneud gwasanaethau’n fwy integredig a pherson-ganolog, a sicrhau bod poblogaeth Cymru yn cael y budd mwyaf o’r adnoddau iechyd a gofal cymdeithasol sydd ar gael drwy fabwysiadu dull gofal iechyd teg sy’n seiliedig ar werth.

Mae cydweithrediad amlddisgyblaethol unigryw PRIME yn gymuned ymchwil unigol ledled Cymru sy’n ymchwilio i ofal sylfaenol a gofal brys yng Nghymru i gyflawni buddion pwysig i’n grŵp, y GIG, Llywodraeth Cymru, a phobl Cymru, drwy:

1. Creu canolfan ragoriaeth mewn gofal sylfaenol a gofal brys, sy’n hanfodol ar gyfer denu cyllid ymchwil o fri i Gymru a darparu sylfaen academaidd gref ar gyfer gofal sylfaenol a gofal brys
2. Cyflwyno ymchwil o ansawdd uchel sy’n mynd i’r afael â heriau cynyddol gymhleth a wynebir ym maes gofal sylfaenol a gofal brys
3. Mabwysiadu dull system gyfan integredig i wella gwasanaethau, gan weithio ar y rhyngwyneb hollbwysig rhwng gofal sylfaenol, brys a gofal cymdeithasol
4. Sicrhau bod cynlluniau “llwybrau at effaith” clir yn cael eu datblygu a’u gweithredu er mwyn sicrhau’r budd mwyaf i’r cyhoedd a chleifion o’n hymchwil, gan gynnwys lefel uchel o ymgysylltu, cydgynhyrchu ymchwil, a chyfnewid gwybodaeth gyda’n holl randdeiliaid

Meithrin gallu ar gyfer ymchwil gofal sylfaenol a brys yng Nghymru, gan gynnwys datblygu dulliau ymchwil, sgiliau, cleifion, ac aelodau’r cyhoedd a’r gweithlu. Bydd hyn yn cynnwys datblygu prif ymchwilwyr newydd a chymorth i glinigwyr ddod yn arweinwyr ymchwil. Bydd hyn yn sicrhau y gallwn barhau i gael sylfaen academaidd gref ar gyfer gwasanaethau gofal sylfaenol a brys yng Nghymru yn y dyfodol.

Yr Adran Iechyd a Gofal Cymdeithasol sy’n ariannu’r NIHR i wella iechyd a chyfoeth y genedl trwy ymchwil. Gan weithio mewn partneriaeth â’r GIG, prifysgolion, llywodraeth leol, cyllidwyr ymchwil eraill, cleifion a’r cyhoedd – rydym yn ariannu, yn galluogi ac yn darparu ymchwil iechyd a gofal cymdeithasol o’r radd flaenaf sy’n gwella iechyd a lles pobl ac yn hybu twf economaidd.

Mae Byrddau Partneriaeth Rhanbarthol wedi’u sefydlu fel rhan o’r Ddeddf Gwasanaethau Cymdeithasol a Llesiant i wella llesiant y poblogaethau a gwella sut mae gwasanaethau iechyd a gofal yn cael eu darparu. Mae pob cydweithrediad rhanbarthol yng Nghymru yn goruchwylio dulliau strategol o ddarparu gwasanaethau iechyd a gofal cymdeithasol integredig, gan ddwyn byrddau iechyd, awdurdodau lleol, a’r trydydd sector ynghyd, i ddiwallu gofal a gofynion pobl yn eu hardal. Mae’n rhaid i bob Bwrdd Partneriaeth Rhanbarthol gynhyrchu asesiad poblogaeth rhanbarthol a chynllun ac adroddiad rhanbarthol.

Mae Technoleg Iechyd Cymru (HTW) yn gorff cenedlaethol sy’n gweithio i wella ansawdd gofal yng Nghymru. Maent yn cydweithio â phartneriaid ar draws y sectorau iechyd, gofal cymdeithasol a thechnoleg i sicrhau dull gweithredu Cymru gyfan. Cânt eu hariannu gan Lywodraeth Cymru a’u cynnal o fewn GIG Cymru, ond yn annibynnol ar y ddau. Mae eu cylch gwaith yn cwmpasu unrhyw dechnoleg iechyd nad yw’n feddyginiaeth, megis dyfeisiau meddygol, gweithdrefnau llawfeddygol, therapïau seicolegol, tele-fonitro neu adsefydlu. Mae HTW wedi ymrwymo i sicrhau bod technolegau newydd arloesol yn cael eu gweithredu ledled Cymru mewn ffordd ddiogel, effeithiol a chost-effeithiol. Eu nod yw meithrin y broses o greu a defnyddio technolegau iechyd ledled Cymru y maent yn eu hystyried yn fanteisiol i gleifion, ymarferwyr meddygol, a’r system gofal iechyd yn ei chyfanrwydd. Cyflawnir hyn yn bennaf drwy sganio’r gorwel, cyfosod tystiolaeth ac adolygu a gwerthuso technolegau iechyd yn drefnus o ran eu diogelwch, eu heffeithiolrwydd a’u cost-effeithiolrwydd, yn dilyn creu canllawiau i ddefnyddwyr ac addysg a hyfforddiant mewn cydweithrediad â phrifysgolion a chyfleusterau ymchwil.

 

Sut mae HTW yn mynd i’r afael â gwahanol feysydd o’r fframwaith:

• Archwilio a nodi datrysiadau

Ein nod yw nodi technolegau a datrysiadau nad ydynt yn feddyginiaethol a allai wella deilliannau i bobl Cymru. Awn ati i chwilio am awgrymiadau pwnc gan weithwyr iechyd a gofal proffesiynol, neu ddarparwyr, ond gall unrhyw un awgrymu pwnc i ni ei ystyried drwy’r ffurflen ar ein gwefan. Os yw pwnc a awgrymir o fewn ein cylch gwaith, yna byddwn yn archwilio a oes digon o dystiolaeth ar gael i gynnal arfarniad ac a yw’r pwnc yn bodloni ein meini prawf dethol i arfarnu. Manylir ar yr ystyriaethau hyn mewn Adroddiad Archwilio Pwnc (TER), a gyhoeddwyd ar ein gwefan. Yna mae ein Grŵp Asesu yn defnyddio’r TER ochr yn ochr ag ystyriaethau eraill i benderfynu a ddylid symud y pwnc yn ei flaen i arfarniad llawn a chanllawiau.

• Creu tystiolaeth a phrofi gwerth

Rydym yn asesu gwerth posibl technoleg drwy gynnal arfarniad tystiolaeth. Mae hyn yn cynnwys adolygu’r dystiolaeth ar effeithiolrwydd a chost effeithiolrwydd technoleg iechyd, ei synthesu a’i harfarnu’n feirniadol, o’i gymharu â gofal safonol. Cofnodir pob asesiad mewn Adroddiad Arfarnu Tystiolaeth (EAR). Caiff yr EAR drafft ei adolygu gan arbenigwyr pwnc (gan gynnwys gweithgynhyrchwyr technoleg) a Grŵp Asesu a Phanel Arfarnu Technoleg Iechyd Cymru cyn terfynu. Bydd ein Panel Arfarnu yn defnyddio’r EAR  i ddarparu gwybodaeth ar gyfer Canllawiau ar sail tystiolaeth ar y defnydd o’r dechnoleg yng Nghymru. Ar gyfer technolegau nad ydynt eto’n barod i’w harfarnu, mae HTW yn cynnig gwasanaeth cyngor gwyddonol. Nod y gwasanaeth hwn yw helpu cwmnïau a datblygwyr technoleg i fynegi cynnig gwerth eu technoleg yn glir ac adeiladu’r sylfaen dystiolaeth sy’n ofynnol i arddangos unrhyw honiadau o ran gwerth.

• Mabwysiadu, addasu a pharodrwydd i gyflwyno

Nod Technoleg Iechyd Cymru yw cynyddu mabwysiadu technolegau iechyd y profwyd eu bod yn cynnig gwerth i bobl Cymru. Bydd ein Panel Arfarnu yn cynnig Canllawiau ar sail tystiolaeth ar y defnydd o dechnolegau iechyd yng Nghymru. Nid yw ein Canllawiau’n orfodol, ond disgwyliad Llywodraeth Cymru yw eu bod yn cael eu mabwysiadu gan sefydliadau iechyd a gofal perthnasol yng Nghymru. Rydym yn monitro mabwysiadu canllawiau yn rheolaidd drwy ein harchwiliadau mabwysiadu blynyddol. Mae disgwyl i bob bwrdd iechyd a chyrff perthnasol eraill adrodd ar sut maent wedi ystyried ein harfarniad a’n canllawiau. Mae gan ein canllawiau statws ‘mabwysiadu neu gyfiawnhau’ ac felly, os yw sefydliad wedi dewis peidio â mabwysiadu ein Canllawiau, yna gofynnir iddynt amlinellu eu rhesymeg a chyfiawnhau eu penderfyniad.

 

Yn gwneud gwahaniaeth cadarnhaol i ofal cymdeithasol yng Nghymru. Rydym yn canolbwyntio ar lesiant, â gweledigaeth sy’n dymuno i bawb sydd angen cefnogaeth fyw’r bywyd sy’n bwysig iddynt. Ein nod yw cyflawni hyn drwy feithrin hyder yn y gweithlu ac arwain a chefnogi gwelliant mewn gofal cymdeithasol. I wneud hyn, rydym yn gweithio â phobl sy’n defnyddio gofal a chefnogaeth ac amrywiaeth eang o sefydliadau. Mae ein gwaith yn golygu ein bod yn: gosod safonau ar gyfer y gweithlu gofal a chefnogaeth, gan eu gwneud yn atebol am eu gwaith, datblygu’r gweithlu fel bod ganddynt y wybodaeth a’r sgiliau i amddiffyn, grymuso a chefnogi’r rheiny sydd angen cymorth, gweithio â grwpiau eraill i wella gwasanaethau ar gyfer meysydd y cytunwyd arnynt fel blaenoriaeth genedlaethol

Dysgwch fwy am sut y gallwn helpu ar bob cam o’r Fframwaith Arloesedd drwy glicio ar y dolenni isod:

• Disgrifio, Deall a Diffinio : ‘hyfforddwyr arloesi’ Hyfforddi arloesi - Gofal Cymdeithasol Cymru - Ymchwil, Data ac Arloesi
• Creu Tystiolaeth a Phrofi Gwerth :
  ‘cymorth gwerthuso’ Cymorth gwerthuso - Gofal Cymdeithasol Cymru - Ymchwil, Data ac Arloesi
  ‘crynodebau tystiolaeth’ Crynodebau tystiolaeth - Gofal Cymdeithasol Cymru - Ymchwil, Data ac Arloesi
  ‘cael cefnogaeth ar gyfer eich ymchwil’ Mynnwch gefnogaeth ar gyfer eich ymchwil - Gofal Cymdeithasol Cymru - Ymchwil, Data ac Arloesi
• Parodrwydd ar gyfer Mabwysiadu, Addasu a Defnyddio:
  ‘hyfforddwyr arloesi’ Hyfforddiant arloesi - Gofal Cymdeithasol Cymru - Ymchwil, Data ac Arloesi
• ‘cynnig arloesi digidol ‘ Deall eich potensial digidol | Gofal Cymdeithasol Cymru
• Lledaeniad a Graddfa : : ‘canfod prosiect’ Darganfyddwr prosiect - Gofal Cymdeithasol Cymru - Ymchwil, Data ac Arloesi