Mae 12 o ymchwilwyr Prifysgol Caerdydd wedi cael eu penodi’n Uwch Arweinwyr Ymchwil Ymchwil Iechyd a Gofal Cymru.
Byddant yn darparu arweinyddiaeth ac yn gweithredu fel llysgenhadon ac eiriolwyr dros ymchwil iechyd a gofal yng Nghymru dros y tair blynedd nesaf.
Mae Uwch Arweinwyr Ymchwil Ymchwil Iechyd a Gofal Cymru ymhlith yr ymchwilwyr iechyd a gofal mwyaf amlwg a mawreddog yn y wlad. Mae gan y rhai a ddewiswyd hanes o ddatblygu ymchwilwyr ac adeiladu capasiti a gallu ymchwil Cymru, yn ogystal ag integreiddio cyfranogiad cleifion a’r cyhoedd mewn ymchwil.
Y 12 Uwch Arweinydd Ymchwil Prifysgol Caerdydd yw:
Wedi’u rheoli a’u cefnogi gan Gyfadran Ymchwil Iechyd a Gofal Cymru, bydd yr Uwch Arweinwyr Ymchwil yn parhau i neilltuo amser i gymryd rhan mewn amrywiaeth o weithgareddau’r Gyfadran, gan gynnwys paneli ariannu, byrddau a phwyllgorau.
Dywedodd yr Athro Kerenza Hood, Deon Ymchwil ac Arloesi yng Ngholeg y Gwyddorau Biofeddygol a Bywyd: ‘Rwyf wrth fy modd yn cael fy ailbenodi’n Uwch Arweinydd Ymchwil ac yn parhau i chwarae rhan llysgennad dros yr ymchwil iechyd a gofal anhygoel sy’n digwydd yng Nghymru. Rwyf bob amser yn dweud y gallaf siarad dros Gymru ac yn y rôl hon, rwy’n cael siarad dros Gymru am ymchwil Cymru!’
Wrth groesawu’r newyddion, dywedodd yr Athro Roger Whitaker, Dirprwy Is-Ganghellor dros Ymchwil, Arloesi a Menter: ‘Mae’n fy llenwi â balchder aruthrol bod arweinyddiaeth anhygoel ein cydweithwyr wedi cael ei chydnabod gan Ymchwil Iechyd a Gofal Cymru.’
‘Mae Prifysgol Caerdydd wedi bod ar flaen y gad o ran rhagoriaeth ymchwil iechyd a gofal yng Nghymru ers tro byd, ac mae penodi 12 Arweinydd Ymchwil Uwch yn cadarnhau ein lle o fewn yr ecosystem hwn’, meddai’r Athro Roger Whitaker , Dirprwy Is-Ganghellor dros Ymchwil, Arloesi a Menter, Athro Deallusrwydd Cyfunol.
Dywedodd Gareth Cross, Dirprwy Gyfarwyddwr Gwyddoniaeth, Ymchwil a Thystiolaeth yn Llywodraeth Cymru: “Gwnaeth y panel argraff fawr ar gynnydd amgylchedd ymchwil Cymru; roedd nifer o aelodau’r panel wedi eistedd ar baneli dyfarnu Arweinwyr Ymchwil Uwch blaenorol a nodwyd bod camau breision yn cael eu cymryd yn hyn o beth. Roedd ehangder y ceisiadau yn rhagorol.
‘Bydd arbenigedd ac ymroddiad yr Uwch Arweinwyr Ymchwil yn allweddol wrth feithrin arloesedd, cydweithio a rhagoriaeth o fewn ein cymuned ymchwil, ac edrychwn ymlaen at weld y cyfraniadau gwerthfawr y byddant yn eu gwneud dros y tair blynedd nesaf.’
Ewch i wefan Ymchwil Iechyd a Gofal Cymru i weld y rhestr lawn o Uwch Arweinwyr Ymchwil .
